ENSINO MIXTO EN EOI: COMEZAMOS! (by @paula_cernadas)

Ola #EOIstas! 

Estamos encantadas de presentarvos esta nova aventura! Somos María Fernández e Paula Gómez, profesoras de inglés na EOI de Pontevedra dos niveis C2 e C1 respectivamente. Arrancamos esta nova travesía da man do proxecto Erasmus+ K104 " Escolas que usan a aprendizaxe mixta para dialogar sobre pedagoxías interrelacionadas" que agrupa a todas as EOIs galegas. Agardamos mostrar aquí a nosa experiencia no curso "Blended Learning and Online Delivery in Language Education" impartido a distancia por Nile do 14 ao 18 de decembro de 2020. 

Esta bitácora estará chea de reflexións, inquedanzas e propostas de actividades que iremos compartindo con vós durante a semana do curso para que a experiencia vaia máis aló das sesións que ámbalas dúas compartiremos co resto de participantes, procedentes de EOIs de toda a xeografía española, e con Russel Stannard, experto en aprendizaxe a distancia e fundador de teacher training videos.

Agardamos a vosa participación máis entusiasta e desexamos que os contidos compartidos sexan útiles para toda a comunidade de #EOIstas que disfrutamos do ensino de linguas.

Para ir abrindo boca... velaiquí o Flipgrid onde iremos subindo propostas de actividades ao longo da semana. Invitámosvos a participar desta experiencia a través dos vosos comentarios ás entradas e das vosas respostas en forma de vídeo.

Agora si... por fin! 

Comezamos!