📅 18 DECEMBRO: A AUTONOMÍA DO ALUMNADO (by paula_cernadas)

 Ola a tod@s! 👋

A miña reflexión de hoxe comeza con certa morriña por ter rematado o curso. Temos encarado esta aventura con ánimo e chegamos ao final con folgos renovados e ateigad@s de ideas para implementar na aula. As que vos vou debullar hoxe inciden nun factor fundamental para o éxito da aprendizaxe: a autonomía do alumnado.💪

Un aprendiz autónomo é responsable do seu propio progreso porque posúe as estratexias para poder levalo adiante. Como docentes, o noso labor consistirá en proporcionar as ferramentas, fomentar un uso adecuado das mesmas e acompañalos nas súas reflexións de aprendizaxe. Pero seremos quen de aprendelos a que traballen de xeito autónomo, responsable e comprometido? Velaquí un reto por afrontar que pode resultar máis doado se consideramos o aprendido na xornada de hoxe. 

Fágovos un resumo exprés a través da seguinte infografia. Son consciente de que o contido vai comprimido e, se cadra, algo "atrapallado". Pídovos desculpas por adiantado... pero a cousa é que morría por contarvos tanto en tan pouco espazo... Espero que se entenda. De todos os xeitos, poderedes usar a caixa de comentarios para preguntar calquera dúbida ou deixar as vosas suxestións.

Só queda darvos as gracias por seguirnos, lernos e escoitarnos. @MeryFer e eu agardamos ter transmitido parte da nosa aventura a través destas pequenas píldoras de información que fomos lanzando non só neste blog se non a través do Flipgrid sobre o ensino mixto, tamén.

Virán máis cursos... pero xa non serán este! Grazas a: Alicia, Anabel, Ana Rodríguez, Ana Ramos, Cristina, Diana, Isabel, Jaume, Laura Iglesias, Laura Escribano, María, Paola, Russell, Tina e Virginia. Levámosvos no corazón. Ademáis, somos o  "best team ever" segundo o mesmo Russell! E nós non lle imos levar a contra!