💻 17 DECEMBRO: AVALIACIÓN E AULAS HÍBRIDAS (by @MeryFer23)

Ola a tod@s!👋 

Aquí estamos un día máis, compartindo con vós as conclusións ás que chegamos hoxe da man de Russell Stannard. O fío temático da xornada de hoxe foi a avaliación formativa e sumativa e a modalidade híbrida. 

🎯 AVALIACIÓN FORMATIVA E SUMATIVA

A avaliación é un aspecto clave da práctica docente xa que permite que o profesor/a comprobe se o alumnado está realmente aprendendo. Nunha entorna virtual semella complexo atender ao factor humano, xa que non podemos interactuar físicamente co alumnado. Daquela, de que maneiras podemos garantir unha avaliación formativa de calidade nas nosas clases en liña? E posible combinar a avaliación sumativa e formativa?

Para comezar, o portfolio dixital do que tanto temos falado neste curso, pode ser unha ferramenta clave para recoller o progreso do alumnado convertíndose nun instrumento de avaliación formativa e sumativa ao mesmo tempo. Por outra banda, redactar un portfolio semanalmente ou ao remate da unidade, contribúe á reflexión e axuda a integrar os contidos durante o proceso.

Alén disto, existen moitas ferramentas tecnolóxicas gratuitas ao noso dispor que poden ser empregadas para avaliar o progreso do alumnado como Kahoot, Quizizz, Quizlet ou Socrative. Sen ir máis lonxe, hoxe fixemos unha "Space Race" en Socrative e quedamos abraiad@s ao comprobar a cantidade de feedback que se pode obter sobre o desempeño do alumnado a través desta aplicación, que tamén permite elaborar "exit tickets". Recomendámosvos que experimentedes!🚀

💻 AULAS HÍBRIDAS

Como ben sabemos, as limitacións sobre a ratio de alumn@s nas aulas derivadas da pandemia teñen ocasionado un cambio na metodoloxía, especialmente no caso das aulas híbridas. Neste escenario a persoa docente atoparase coa dificultade de atender ao mesmo tempo a un grupo de alumn@s que traballan desde a súa casa e outro que asiste presencialmente a clase. Como podemos conectar estes dous tipos de audiencia e construír unha cultura de grupo nunhas circunstancias tan complexas sen ter a sensación de estar abandonando a algún dos grupos?

Velaquí tedes algunhas ideas que barallamos no curso: 

ANTES DA CLASE

• Activamos os coñecementos previos do alumnado elaborando unha tormenta de ideas/nube de palabras a través de Wooclap ou Answer Garden que despois empregaremos para traballar a unidade.
• Pedímos ao alumnado que visualice un vídeo antes da clase e posteriormente comprobamos o que teñen entendido respondendo a un quiz en Socrative ben desde a casa, ben na propia aula.
• O alumnado prepara unha breve presentación sobre o seu libro/filme favorit@. Proxectaremos as presentacións e as persoas que traballan desde a súa casa terán a oportunidade de integrarse na aula física e comunicarse c@s compañeir@s. 
• O alumnado engade unha entrada no foro da aula virtual e durante a clase as persoas que traballan a distancia comentan as contribucións d@s compañeir@s.
• Preparación dun proxecto: "Mudamos o mobiliario da Escola". Realizamos unha enquisa mediante Mentimeter na que o alumnado votará polo tipo de cadeiras e pupitres que desexaría atopar na aula.

DURANTE A CLASE  

• Facilitamos dinámicas de grupo: as persoas que están na aula traballan en grupos e os que están en liña farano en Breakout Rooms. 
• Preparamos un Escape Room no que se implique todo o grupo. O compoñente lúdico sempre axuda a reducir as distancias! 
• Empregamos as ferramentas mencionadas anteriormente que contribúen á participación activa de todo o grupo e facilitan a visualización dos resultados e o feedback inmediato.
• Desenvolvemento do proxecto: "Mudamos o mobiliario da Escola". O alumnado traballa nun G-Sites e describe a súa aula actual e a súa aula ideal atendendo aos aspectos gramaticais da unidade.

DESPOIS DA CLASE 

• Pedimos ao alumnado que recolla as actividades realizadas/reflexións no seu portfolio dixital individual que posteriormente compartirán con todo o grupo.
• Presentación do proxecto:  "Mudamos o mobiliario da Escola". Cada grupo explica oralmente os beneficios de contar cun mobiliario máis actualizado.

E ata aquí chegamos por hoxe. Seguiremos informando. Deica mañan!🖐