📅 14 DECEMBER: OFF TO A RUNNING START (by @paula_cernadas)

Ola de novo!👋

Compráceme comunicarvos que temos sobrevivido á primeira sesión do día 14 de decembro💪. Ten sido intensa e extremadamente fructífera. Comezamos á primeira hora da mañá quentando motores cunha pequena tormenta de ideas sobre o ensino mixto: luces e sombras!. Reflexionar sobre as vantaxes e inconvenientes foi realmente útil:

Para entrar de cheo en materia, traballamos diferentes tecnoloxías que poderemos implementar para o ensino en liña. Se cadra, o máis útil é a empregabilidade dos recursos presentados para calquera entorna de aprendizaxe: mixta, en liña ou híbrida. 

Como conclusión do día de hoxe, gostaríame quedarme coas catro "Golden Rules" que, segundo Russell, garanten o éxito do ensino a distancia🎯:

1. É chave conectar e interrelacionar os contidos dunha plataforma virtual, a que sexa que estemos a utilizar, cos contidos expostos na sesión presencial. Se somos quen de facer esa interconexión entre os elementos de ambas entornas, o éxito está asegurado🙏.
2. No ensino mixto, resultan extremadamente útiles as técnicas de "flipped classroom". É dicir, os contidos poden ser expostos de xeito eficaz nunha plataforma virtual (a través de exercicios de comprensión auditiva, lectora, etc. ou actividades de reforzo) para poder traballar co alumnado de xeito comunicativo na sesión presencial: grupos, parellas... que lle dean sentido a aprendizaxe en conxunto e colaborativa. As estratexias "flipped" ubican ao alumando no centro da súa aprendizaxe; así este deixa de ser un axente pasivo no proceso de ensino para convertirse en activo da súa evolución. 
3. Resulta importante re-pensar como imos responder ao input do alumnado. É importante interactuar cos contidos producidos (expresións escritas, expresións orais, etc.)  e dar feedback de calidade a través de comentarios, vídeos ou mesmo mediante a avaliación entre iguais.
4. Por último, e non me nos importante, temos recalcado a importancia de non abrumar ao alumnado con tecnoloxías demasiado variadas e actividades sin fin. Menos es más! tamén no ensino de linguas!

Espero que estas pinceladas de información a modo de resumo vos resulten útiles. Se estades interesados nas tecnoloxías que usamos para traballar estes contidos, botade un ollo a: wordwall, padlet, google earth e answer garden.

A sesión de mañá promete tamén. Semella que imos traballar con Moodle... xa vos contaremos con detalle. Agora non vos perdades o vídeo de María no Flipgrid sobre ensino mixto, as reflexións de Anabel no seu blog learner first e os súper resumos visuais de @diana_pastoriza... o que tal aprenderemos esta semana!

Xa para rematar, quédame unha pregunta que facervos; xa que é algo que xurdiu na sesión de hoxe: durante as vosas "live sessions" en liña, cámara on ou cámara off? Paga moito a pena xogar coa cámara cando estamos nunha sesión en directo. Como preferides vós?

Graciñas por adiantado polas vosas respostas. Podedes deixar os vosos comentarios nesta mesma entrada! 👌

Saúdos!